د روغتیايي پراختیا او پالیسۍ مرستیال په جوزجان ولایت کې له یو شمیر دولتي او خصوصي روغتیايي مرکزونو لیدنه ترسره کړه
د عامې روغتیا وزارت د روغتیايي پراختیا او پالیسۍ مرستیال، ښاغلي ډاکټر محمد حسن غیاثي او ورسره مل پلاوي جوزجان ولایت ته د سفر په لړ کې د دغه ولایت له یو شمېر دولتي او خصوصي روغتیايي مرکزونو لیدنه ترسره کړه.
د دغه سفر پرمهال، چې د عامې روغتیا وزارت د نظارت رئیس، ډاکټر کریم الله حلیمي یې هم ملتیا کوله د روغتیايي مسئولینو او تطبیق کوونکو مؤسسو له استازو سره د لیدنې سربېره یې په دغه ولایت کې له یوشمېر دولتي او خصوصي روغتیايي مرکزونو نظارت ترسره کړ، چې په ترڅ کې اړوندو مسئولینو ته د چارو لا ښه والي په موخه لازمې سپارښتنې ترسره شوې.
