د تخار ولایت عامې روغتیا ریاست د څارنې او پلټنې ټیم له لوري له ۲۸ خصوصي روغتیايي تأسيساتو څخه نظارت تر سره شو
دغه نظارت د تخار ولایت د تالقان ښار په بېلابېلو سیمو کې له ۲۳ کتنځايونو، د غاښونو جوړولو له ۳ مرکزونو او ۲ لابراتوارونو څخه ترسره شو، چې پایله کې یې ۱۳ کتنځايونه او د غاښونو جوړولو مرکزونه او همدارنګه یو لابراتوار د قانوني جواز نه شتون، د غیر مسلکي کسانو موجودیت او ځینو نورو روغتیايي نیمګړتیاوو له امله وتړل شول.
سربېره پر دې نظارتي ټیم د ټولو خصوصي روغتیايي مرکزونو مسؤلینو ته سپارښتنه وکړه، چې له نېټې تېرو او بې کیفیته درملو له واردولو، کارونې او پلور څخه ډډه وکړي.
