امتحان جواز فعالیت طبی (طب معالجوی) مربوط ریاست عمومی شورای طبی وزارت صحت عامه به‌گونه شفاف برگزار شد
مراسم افتتاح این امتحان در پوهنتون کابل برگزار شد که در آن شیخ رحیم‌الله حقانی، معاون امور اداری و تخنیکی اداره عمومی امتحانات، داکتر احمدشاه شکوه‌مند، مشاور ارشد تخنیکی ریاست عمومی شورای طبی، مولوی اسدالله فرید، معاون مالی و اداری پوهنتون کابل، مسئولان امتحان و شمار زیادی از اشتراک‌کننده‌گان حضور داشتند.
همچنان، الحاج داکتر شیخ عبدالباقی حقانی، رئیس عمومی اداره امتحانات، داکتر فقیرمحمد زيار، رئیس عمومی شورای طبی و شماری از مسئولان، از روند برگزاری امتحان بازدید نموده و به اشتراک‌کننده‌گان اطمینان دادند که این روند به‌گونه شفاف برگزار می‌شود.
قابل یادآوری است که ثبت معلومات بایومتریک اشتراک‌کننده‌گان امتحان جواز فعالیت طبی (ستوماتولوژی) مربوط ریاست عمومی شورای طبی وزارت صحت عامه، به تاریخ ۲۲ میزان در پوهنتون کابل برگزار خواهد شد.
