بیش از ۴۰ قلم ملزمهٔ طبی به ارزش بیش از ۱۰ میلیون افغانی به مراکز صحی ولایت سمنگان تسلیم داده شد
این مواد، از طریق دفتر موسسه تطبیق‌کنندهٔ MMRCA با همکاری ادارهٔ یونیسف خریداری و به‌منظور توزیع به مراکز صحی ولایت سمنگان اختصاص داده شد. که مراسم رسمی تسلیم‌دهی این ملزمه‌ها با حضور مسئولان محلی و نماینده گان ادارات مربوطه در مقر دفتر MMRCA برگزار گردید.
در این مراسم، مسئولان ضمن تأکید بر اهمیت این کمک‌ها در تقویت عرضهٔ خدمات صحی، از همکاری ادارهٔ یونیسف و دفتر MMRCA قدردانی کرده و بر هماهنگی میان ادارات دولتی و مؤسسات همکار برای رسیده گی به نیازمندی‌های مراکز صحی تأکید نمودند.
مولوی لطف‌الله حبیبی، رئیس صحت‌عامهٔ ولایت سمنگان، اطمینان داد که ملزمه‌های تسلیم‌شده مطابق نیازمندی‌ها و اولویت‌ها به مراکز صحی مستحق توزیع شده و به‌گونهٔ مؤثر و شفاف مورد استفاده قرار خواهد گرفت.
