د درملو، خوراکي توکو او روغتیايي محصولاتو د قاچاق د مخنیوي قانون پلي کولو په موخه د بین الوزارتي هیئت د همغږۍ دوهم پړاو غونډه ترسره شو
دا غونډه د عامې روغتیا وزیر، ښاغلي مولوي نور جلال جلالي په مشرۍ د خوړو او درملو مرستیال ښاغلي مولوي حمدالله زاهد او د بېلا بېلو امارتي ادارو د مرستیالانو او رئیسانو په شتون کې ترسره شوه.
د عامې روغتیا وزیر، په دې غونډه کې وویل: (د درملو، خوراکي توکو او روغتیايي محصولاتو د قاچاق د مخنیوي قانون، چې د عالیقدر امیرالمؤمنین حفظه الله له لوري توشیح شوی، جدي، اړین او خورا مهم دی او موږ له اړوندو ادارو څخه غوښتنه کوو، چې د دې قانون د پلي کولو لپاره جدي او عملي اقدامات وکړي).
همداراز، د خوړو او درملو مرستیال، ښاغلي مولوي حمدالله زاهد وویل: "موږ د دې قانون د پلي کولو لپاره تطبیقي پلان چمتو کړی او د قانون په رڼا کې مو د هرې ادارې دندې مشخصې کړې دي، ترڅو په اړه یې راتلونکي اجراات تر سره شي او موږ له همکارو ادارو څخه غواړو، چې په دې برخه کې زموږ له ادارې سره بشپړه همکاري وکړي".
سربېره پردې، د خوړو او درملو مرستیال، د دې قانون له توشیح وروسته د یادې ادارې د اقداماتو، فعالیتونو او لاسته راوړنو په اړه ګډونوالو ته معلومات ورکړل.
