د وچکالۍ ځپلو ټولنو لپاره په کندز او هرات کې د روغتیايي خدمتونو د وړاندې کولو هوکړهلیک لاسلیک شو
د عامې روغتیا وزارت له لوري کندز او هرات ولایتونو کې د وچکالۍ ځپلو ټولنو لپاره د ژوند ژغورونکو روغتیايي، تغذیې، MHPSS او RCCE مدغمو خدمتونو وړاندې کولو په موخه له International Rescue Committee-IRC مؤسسې سره د (۶۹۲۶۴۰) شپږ شوه دوه نوي زره شپږ سوه څلوېښت ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یوولس میاشتو لپاره لاسليک شو، چې له مخې به یې د ۵ ګرځنده روغتيايي ټیمونو له لارې د یادو ولایتونو (۲۵۰۰۰) تنه اوسېدونکي له روغتیايي خدماتو برخمن او (۴۰) تنو ته به روغتیايي برخه کې د کار زمینه برابره شي.
بل لور، د IRCمؤسسې مؤسسې استازو هم ډاډ څرګند کړ، چې ياده پروژه به د یوولس میاشتو په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
