د عامې روغتیا وزیر ښاغلي ډاکټر قلندر عباد د خپل رسمي سفر په ترڅ کې د ایران هيواد د رئيس جمهور مرستیالې انیسه خزعلی سره ولیدل
په دې لیدنه کې چې د ښاغلي وزير سره مل پلاوي او په ایران هيواد کې د افغانستان سفیر شتون درلود د روغتیا په برخه کې د دوه اړخیزو همکاریو د پراختيا په خاصه توګه د روغتیایی پرسونل د ظرفیت لوړونې ، د سرطان د تشخيص او درملنې په برخه کې د همکارۍ او په روغتيايي سکتور کې د تجربو شریکولو په اړه بحث ترسره شو.
