د ۲۹۶ ميلونه افغانيو په لګښت د مور او ماشوم روغتون پرانیسته ترسره او ګټې اخیستنې ته وسپارل شو

akbari_admin
دوشنبه ۱۴۰۲/۶/۲۰ - ۱۰:۲۱
د ۲۹۶ ميلونه افغانيو په لګښت د مور او ماشوم روغتون پرانیسته ترسره او ګټې اخیستنې ته وسپارل شو

دغه روغتون د ریاست الوزرا اداري مرستیال، مولوي عبدالسلام حنفي د عامې روغتیا وزیر، ښاغلي ډاکټر قلندر عباد د مخابراتو او ټکنالوژۍ وزیر، مولوي نجیب الله حقاني د بیات بنسټ رئیس، ډاکټر احسان الله بیات او د مختلفو ادارو د استازو په شتون کې پرانیسته ترسره او ګټې اخیستنې ته وسپارل شو.

د ریاست الوزرا اداري مرستیال، مولوي عبدالسلام حنفي ددغه روغتون د جوړېدو له امله له ښاغلي بیات څخه مننه او قدردانی وکړ او ویې ویل: دغه ودانۍ د ۲۹۶ مېلیونه افغانۍ په لګښت په څلورو پوړونو کې په اساسي او معیاري ډول سره جوړه شوې ده چې د میندو او ماشومانو درملنه به په کې ترسره شي.

ښاغلي حنفي همداراز په بېلابېلو برخو کې د اسلامي امارت د لاسته راوړنو په اړه ګډونوالو ته معلومات ورکړل او ویې ویل: اوس د بل هر وخت په پرتله په هېواد کې دننه ټولو افغانانو ته دا زمینه برابره شوې چې بېرته خپل هېواد ته ستانه شي او د هېوادوالو د خدمت جوګه و ګرځي.

له بلې خوا د عامې روغتیا وزیر، ښاغلي ډاکټر قلندر عباد د دغه روغتون جوړېدل په هېواد کې د میندو او ماشومانو د مړینې د کچې د کمولو په برخه کې یو اغېزمن ګام وباله او د ښاغلي بیات له دغه اقدام څخه یې مننه او قدردانی وکړ.

همدارنګه د عامې روغتیا ښاغلي وزیر، د مور او ماشوم د مړینې د کچې د راټيټولو، معیاري روغتیايي خدماتو ته د ټولو هېوادوالو د لاسرسي، د هېواد په سپینو ساحاتو او ولسوالیو کې د روغتونونو او روغتیايي مراکزو د جوړولو په اړه د افغانستان اسلامي امارت او د عامې روغتیا وزارت د تعهد او ژمنتیا په اړه ګډونوالو ته معلومات وړاندې کړل.

ښاغلي وزیر همداراز وویل: د مسلکي او متخصصو کسانو ګمارل د لومړنیو، ثانوي او ثالثي روغتیايي خدماتو د کیفیت ښه والی د روغتیايي کارکوونکو لپاره د زده کړو د زمینې برابرول، د لنډمهاله او اوږدمهاله کړنلارو او ستراتېژیک پلانونو جوړول د روغتونونو ارتقاء له هغه مواردو څخه دي چې عملآ کار پرې جریان لري.

د یادونې وړ ده، چې د مور او ماشوم روغتون ۸۴ بسترونه لري، ۶۰ بسترونه یې د میندو او ۲۴ نور بسترونه یې د ماشومانو لپاره دي، دغه روغتون په عصري طبي وسایلو سمبال دی، چې د بیات بنسټ له لوري په څلورو پوړونو کې د اندراګاندي د ماشومانو د درملنې روغتون په انګړ کې جوړ شوی چې نن رسمآ پرانیستل شو.

 

تازه ترین اخبار

چهارشنبه ۱۴۰۳/۵/۳ - ۱۵:۳۹
Background image

محترم مولوی نور جلال جلالی وزیر صحت‌عامه، در سفرش به کشور قطر با خانم لوء لوء الخاطر وزیر امورخارجه این کشور دیدار و گفتگو کرد

در این دیدار که محترم وزیر صحت‌عامه کشور را داکتر محمد نعیم وردگ سفیر امارت اسلامی در کشور قطرهمراهی می‌کرد، در مورد تقویت سیستم صحی افغانستان، راه های کمک نهاد های بین المللی به مردم. . .

چهارشنبه ۱۴۰۳/۵/۳ - ۱۳:۴۲
Background image

در یک ماه گذشته چهل و هشت عملیات بزرگ در شفاخانهDH ولسوالی رُخه ولایت پنجشیر اجرا شده است

داکتر شمس الحق سروری مسؤول شفاخانه چهل بستر ولسوالی رُخه ولایت پنجشیر گفت: در ماه سرطان سال روان چهل و هشت عملیات بزرگ مختلف در شفاخانه  DH ولسوالی رُخه توسط کارمندان صحی این شفاخانه. . .

چهارشنبه ۱۴۰۳/۵/۳ - ۱۳:۱۷
Background image

معین عرضه خدمات صحی وزارت صحت‌عامه، با رییسان صحت‌عامه ولایت های قندهار، هلمند و نیمروز به صورت آنلاین نشستی برگذار کرد

محترم مولوی عبدالولی حقانی معین عرضه خدمات صحی وزارت صحت‌عامه، با رییسان صحت‌عامه ولایت های قندهار، هلمند و نیمروز به صورت آنلاین نشستی برگذار کرد.

در این نشست فعالیت موسسات تطبیق. . .

BACK TO NEWS