د عامې روغتیا وزیر، ښاغلي ډاکټر قلندر عباد او ورسره مل پلاوي فاریاب ته د سفر په ترڅ کې د دې ولايت له والي، ښاغلي مولوي محمد شعیب رسالت سره لیدنه ترسره کړه
د افغانستان اسلامي امارت د عامې روغتیا وزیر، ښاغلي ډاکټر قلندر عباد او ورسره مل پلاوي دې ولایت ته د سفر موخه د روغتیايي وضعیت څرنګوالی، معیاري روغتیايي خدمتونو وړاندې کول، روغتیايي کارکوونکو او د هېوادوالو روغتیايي ستونزو ته رسېدنه ده.
د فاریاب والي، ښاغلي مولوي محمد شعیب رسالت د عامې روغتیا وزیر، ښاغلي ډاکټر قلندر عباد او ورسره مل پلاوي ته ښه راغلاست وویل او مننه یې وکړه چې د روغتیايي ستونزو د حل په موخه یې دې ولایت ته سفر ترسره کړی.
