داکترکریم الله حلیمی، رئیس نظارت وزارت صحت‌عامه، همراه با تیم تخنیکی شان در سفری به ولایت جوزجان، از مراکز صحی دولتی و خصوصی این ولایت نظارت نمودند
این نظارت که به هدف بهبود کیفیت خدمات صحی در شفاخانه های دولتی و خصوصی کشور، ارائه خدمات صحی معیاری به شهروندان و تأمین شفافیت در کارها صورت می‌گیرد، در آن داکتر کریم‌الله حلیمی و تیم تخنیکی شان از مراکز صحی در ولسوالی‌‌های آقچه ، دولت‌آباد، خانقا ، منگجک، قوش تپه، مردیان، قرقین، خواجه دوکوه، خمیاب و درزآب ولایت جوزجان دیدار نموده، وضعیت بیماران را بررسی، مشکلات و کاستی‌ها را شناسایی و برای حل آنان را با مسوولان مربوطه شریک نمودند.
همچنان رییس نظارت هدایت داد، تا کارمندان صحی به مشکلات صحی بیماران رسیده گی نموده و در قسمت تداوی آنان تلاش های بیشتر و خستگی ناپذیری نمایند.
