د زابل د عامي روغتیا ریاست له لوري ۱۷ ټنه له نېټې تېر درمل او خوراکي توکي له منځه یوړل شول
یاد درمل او خوراکي توکي د زابل د عامې روغتیا ریاست اړوند د خوړو او درملو ادارې له لوري د درېو میاشتو په بهیر کې را ټول شوي وو، چې د ولایت مقام له لوري د ټاکل شوې څلور کسیزې کمېټې په شتون کې له منځه یوړل شول
د زابل د عامې روغتیا رئیس ډاکټر میرویس افغان وویل، چې د خوړو او درملو امریت د څار کمېټه به په دوامداره توګه د ښار له درملتونونو او پلورنځیو څخه نظارت کوي او هیچا ته اجازه نه ورکوي، چې پر هېوادوالو له نېټې تېر درمل او بې کیفیته خوراکي توکي وپلوري.
