لغمان او هرات ولایتونو کې له یو شمېر درملتونونو او د خوراکي توکو پلورنځیو څخه نظارت ترسره شو
دغه نظارت د څارنې او پلټنې امريت مسؤلینو له لوري ترسره شو، چې پایله کې یې د لغمان ولایت مهترلام ښار او علیشنګ سړک سیمه کې له یو شمېر درملتونونو څخه ۱۰ قلمه له نېټې تېر درمل او د هرات ولایت په لومړۍ او پنځمه ناحیه کې ۵ قلمه بېلابېل خوراکي توکي او د یاد ولایت ادرسکن ولسوالۍ کې ۱۲ کارتنه خوراکي توکي او ۱۷ پاکټه له نېټې تېر درمل، همدارنګه د یاد ولایت صنعتي ښارګوټي کې د غیر الکولي مشروباتو یوې تولیدي کارخونې څخه ۲ قلمه له نېټې تېر مواد، چې ۸۱ بوشکې کېدل، راټول او د له منځه وړلو موخه مرکزي ګدام ته ولېږدول شول.
په یاد نظارت کې اړوندو مسولينو ته بې کیفیته درملو د پلور مخنیوي، خدماتو ښه والي او قانون مراعتولو په موخه لازمې سپارښتني وشوې.
