د عامې روغتیا وزارت د سترګو متخصصینو ګرځنده ټیم د لوګر ولایت په ازرې او برکي برک ولسوالیو کې د سترګو اړوند روغتیايي خدمتونو کمپاین په بریالیتوب سره بشپړ کړ
د دې کمپاین په ترڅ کې، په برکي برک ولسوالۍ کې (۲۵۸۳) ناروغان معاینه شول، (۲۱۱) د سترګو عملیاتونه ترسره شول او دغه راز (۳۷۴) جوړې عینکې هم ووېشل شوې.
همدارنګه، په ازرې ولسوالۍ کې (۱۸۰۷) ناروغان معاینه شول، ۱۰۸ د سترګو عملیاتونه ترسره شول او (۴۲۶) جوړې عینکې ووېشل شوې.
سربېره پر دې، د ازرې ولسوالۍ ۴ ناروغان د لا زیاتو تخصصي خدمتونو د ترلاسه کولو په موخه کابل ته ولېږل شول.
د لوګر د عامې روغتیا رئیس ژمنه وکړه چې د ورته تخصصي خدمتونو د برابرولو لپاره به په نورو ولسوالیو کې هم هڅې وکړي.
دغه راز، د برکي برک او ازرې ولسوالیو اوسېدونکو د سترګو متخصصینو څخه مننه وکړه او د روغتیايي خدمتونو له وړاندې کېدو څخه یې خپل رضایت څرګند کړ.
