دسعودي عربستان په جده ښارکې دپولیو پروګرام لپاره داسلامي مشورتي ډلې نهم،کلنی مجلس داسلامي همکاریو په مرکزکې ترسره شو

د سعودي عربستان په جده ښار کې د پولیو پروګرام لپاره د اسلامي مشورتي ډلې نهم، کلنی مجلس د اسلامي همکاریو په مرکز کې تر سره شو.

په دغه کنفرانس کې د افغانستان د عامې روغتیا وزارت په استازیتوب د پولیو د له منځه وړلو ملي بېړني عملیاتي مرکز مسؤول ډاکټر نېک ولي شاه مومن ګډون کړی و.

د یاد کنفرانس مسؤولینو د مور او ماشوم روغتیا د پولیو او کرونا په برخه کې د افغانستان د عامې روغتیا وزارت د تېر کال فعالیتونه وستایل او د افغانستان عامې روغتیا وزارت سره یې د همکارۍ ډاډ ورکړ.د یادونې وړ ده چې په دغه کنفرانس کې د کعبې شریفې امام او د بین المللي فقهې د اکاډمۍ مشر، شیخ الدکتور صالح بن عبدالله آل حامد، د اسلامي همکاریو سازمان، اسلامي مشورتي ډلې IIFA، د الاظهر پوهنتون استازو او ځینو نورو مسوولینو ګډون کړی وو چې درې ورځې يې ادامه درلوده.

په دغه کنفرانس کې د پولیو ناروغۍ په له منځه وړلو کې د دینې علماوو پر نقش او مسوولیتونو هم بحث او خبرې وشوې.