عامې روغتیا وزارت د ماشومانو د تغذیې او ودې د ښه والي لپاره له AKF سره تړون لاسلیک کړ
د عامې روغتیا وزارت له لوري بدخشان او بغلان ولایتونو کې د کوچنيانو د لنډو قدونو کمولو اړوند ابتکار برنامې، د کوچنيانو تغذيوي وضعيت ښه والي او د ولادت پر مهال د کم وزنه زېږونونو د شيوع کموالي په موخه له Agha Khan Foundation-AKF مؤسسې سره د (۲۶۰۱۶۱۰) دوه میلیونه شپږ سوه یو زر او شپږ سوه لس ډالرو په ارزښت تړون لاسليک شو
دا تړون د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې له مخې به یې د ۷۴ روغتيايي مرکزونو له لارې د یادو ولایتونو (۲۱۸۳۸۴) تنه اوسېدونکي له روغتیايي خدماتو برخمن او (۱۷۸) تنو ته به روغتیايي برخه کې د کار زمینه برابره شي.
بل لور، د AKF مؤسسې استازو هم ډاډ څرګند کړ، چې ياده پروژه به د یو کال په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
