محترم مولوی عبدالولی حقانی، معین عرضه خدمات صحی وزارت صحت عامه و هیأت همراهش، در جریان سفر رسمی به ولایت تخار، از شفاخانه ولایتی این ولایت دیدار نمودند
در این دیدار، محترم معین عرضه خدمات صحی از بخش‌های مختلف شفاخانه بازدید نموده، از بیماران احوال‌‌پرسی نمود و روند ارائه خدمات صحی را از نزدیک دیدار کرد.
همچنان، محترم مولوی عبدالولی حقانی به مسوولان و کارمندان صحی شفاخانه ولایتی تخار توصیه نمود که ضمن برخورد نیک با بیماران و مراجعه‌کننده‌گان، خدمات صحی را به‌موقع به آنان ارائه کرده و برای بهبود هرچه بیشتر کیفیت خدمات، تلاش‌های‌شان را افزایش دهند.
وی ضمن قدردانی از تلاش‌های کارمندان صحی، تأکید کرد که خدمات صحی باید به‌گونه بهتر به بیماران و مراجعه‌کننده‌گان ارائه شده و به مشکلات و نیازمندی‌های آنان توجه لازم صورت گیرد.
