د افغانستان اسلامي امارت د عامې روغتیا وزير له مل پلاوي سره قطر هيواد ته په رسمي سفر روان شو
د عامې روغتیا وزير ښاغلی ډاکټر قلندر عباد به په دې سفر کې د تخنيکي مشورتي ګروپ سره په دوحه کې د څلور ورځو لپاره مجلس ولري ، په ياد مجلس کې به د روغتيا نړيوال سازمان ، يونيسف ، د افغانستان ملي عملياتي بيړني مرکز تخنيکي ټيم ، د ساري ناروغيو د کنټرول مرکز ، روټری انټرنيشنل او د ګاوي ادارې استازي شتون ولري ، د ياد مجلس موخه په افغانستان او پاکستان کې د پوليو ناروغۍ د لمنځه وړلو پر څرنګوالي او لارو چارو خبرې تر سره کول دي چې د راتلونکي لپاره به په دوامدار شکل تخنيکي مشورتي ګروپ د پوليو محوه کولو پر څرنګوالي او حل لارو کار کوي.
