په کابل کې د خوارځواکۍ اړوند خدمتونو د کیفیت د څارنې لپاره د عامې روغتیا وزارت لیدنه

د عامې روغتیا وزارت د څارنې رئیس، ډاکټر کریم الله حلیمي او مل پلاوي کابل ولایت کې له Health Net HN-TPO مؤسسې څخه چې د خوارځواکۍ اړوند خدمتونو وړاندې کولو مسؤلیت پر غاړه لري، څارنه ترسره کړه

یاده څارنه چې موخه یې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او چارو کې شفافیت دی، په ترڅ کې یې ډاکټر کریم الله حلیمي او مل تخنیکي ټیم د پروژې د MAM پروګرام له یو شمېر خوارځواکۍ مرکزونو څخه لیدنه وکړه، ستونزې او نیمګړتیاوې یې په نښه، د حل په موخه له اړوندو مسؤلینو سره شریکې شوې او د پروژې مسؤلینو ته یادونه وشوه، چې د عامې روغتیا وزارت سره د شوي هوکړه لیک سره سم دې معیاري خدمتونه وړاندې کړي.

د څارنې رئیس دغه راز، روغتیايي کارکوونکو ته سپارښتنې وکړې، چې د ناروغانو ستونزو ته د رسېدنې، درملنې او معیاري خدماتو برخو کې لا زیاتې هڅې وکړي.