د عامې روغتیا وزارت د روغتیا لوړونې (ارتقای صحت) امر، ډاکټر عبدالجبار حیدر، د ننګرهار عامې روغتیا رئیس، مولوي امین الله شریف سره لیدنه وکړه!
په دې لیدنه کې د عامې روغتیا وزارت د روغتیا لوړونې امر، ډاکټر عبدالجبار حیدر د ساري ناروغیو د اوټبریکونو او پېښو مخنیوي او کچې راکمولو په موخه د حفظ الصحې مراعتول اړین وبلل او په دې برخه کې یې د عامه پوهاوي پروګرامونو پر دوام ټینګار وکړ؛ ترڅو د خلکو روغتیا خوندي شي.
د ننګرهار عامې روغتیا رئیس وویل، د ساري ناروغیو مخنیوي په موخه به خپلو هڅو ته دوام ورکړي او زیاته یې کړه، پېښو ته د پر وخت رسېدنې او د ساري ناروغیو د کنټرول لپاره د عامې روغتیا وزات همکاري اړینه ده، چې د ناروغانو پر وخت درملنه او د ناروغیو د لېږد مخه ونیول شي.
