د عامې روغتیا وزارت د کورونا ویروس د دلتا ډول پر تشخیص بریالی شوﺉ دی
شنبه، چنګاښ ٥/١٤٠٠
د عامې روغتیا وزارت سرپرست، ډاکتر وحید مجروح، نن په یوه خبري کنفرانس کې د عامې روغتیا وزارت په مرکزي لابراتوارونو کې د کورونا ویروس د دلتا ډول د تشخیص زمینې د برابرولو خبر ورکړ او دا وزارت اوسمهال د کورونا ویروس د دلتا ډول پر تشخیص بریالی شوﺉ دی.
د عامې روغتیا وزارت سرپرست وویل: چې د ١٩ ازمایښت شوي نمونو څخه ١١ پېښې د دلتا ډول څخه تشخیص شوي دي او ٨ پېښې یې د انګلیسي ډول دي، د دې ارقامو له مخې ښیي چې په هېواد کې له ٥٠ سلنه زیات وګړي د کورونا ویروس په دلتا ډول باندې اخته شوي دي.
ډاکتر مجروح، د کورونا ویروس خپرېدو ته په اشارې سره وویل: چې د کورونا ویروس خپرېدل د تېرو ورځو په پرتله یو سلنه کم شوﺉ، خو دا یو سلنه د پېښو کمېدو معنا نه لري او ویروس لاهم د خپرېدو په حال کې دی.
ډاکترمجروح، ټینګار وکړ چې د ښوونیزو مرکزونو بندول، د غونډو او تجمعاتو د مخنیوي په پار د محدودیتونو زیاتول د کورونا ویروس خپرېدل ورو کړي دي.
هغه همدارنګه یادونه وکړه چې په اوو ولایتونو کې د اکسیجن د تولید دستګاه وؤ نصب کول بشپړ شوي او ټاکل شوې ده چې د یونیسف ادارې لخوا د اکسیجن د تولید لس پایې پېردول شوې دستګاه وې د هېواد په لسو ولایتونو کې نصف او فعال شي.
ډاکتر مجروح د خپلو خبرو په دوام د امریکا متحده ایالاتو لخوا افغان دولت سره د درې ملیون ډوزه "جانسون او جانسون" واکسین د مرستې خبر ورکړ او وویل ټاکل شوې ده چې د واکسین دغه محموله د جولای میاشت په لومړۍ اونۍ کې کابل ته را ورسېږي.
د عامې روغتیا وزارت سرپرست، د ښوونیزو مرکزونو پرانیستلو ته په اشارې سره زیاته کړه چې د پوهنې وزارت، د لوړو زده کړو وزارت او نورو اړوندو بنسټونو په همکارۍ موږ د تعلیمي مرکزونو پرانستلو پر طرحه باندې کار کوو چې د دې طرحې او اهتماماتو په تطبیق سره به په ښوونیزو مرکزونو کې د کورونا ویروس د خپرېدو مخنیوی وشي.
ډاکترمجروح، د خلکو لخوا د روغتیایي سپارښتنو پر نه عملي کولو اندېښنه څرګنده کړه او ویې ویل چې ویروس لاهم د خپرېدو په حال کې دی او له لوی اختر څخه دوه یا درې اونۍ وروسته هم موږ د خبرداري/ګواښ حالت کې یو.
دلتا ډول، د کورونا ویروس یو له بدلون شوي ډولونو څخه ده چې د لومړي ځل لپاره په هند هېواد کې پېژندل شوﺉ دی.
