په مرکز او ولایتونو کې د روغتیایي خدمتونو وړاندې کولو ستونزو ته د حل لاسرسي او ښه کولو په پار ناسته وشوه

Panah_moph
یکشنبه ۱۳۹۹/۱۰/۲۱ - ۱۴:۵۲
په مرکز او ولایتونو کې د روغتیایي خدمتونو وړاندې کولو ستونزو ته د حل لاسرسي او ښه کولو په پار ناسته وشوه

د عامې روغتیا وزارت د روغتیایي خدمتونو وړاندې کولو معین ډاکټر وحید مجروح؛ نن د ویډیو کنفرانس له لارې د یوې ناستې په ترڅ کې د ولایتونو د روغتیایي مرکزونو مسؤلینو، د روغتونونو رئیسانو، د روغتیایي خدمتونو پلي کونکو مؤسسو استازو، روغتیایي شریکانو او خصوصي سکتور سره روغتیایي خدمتونو وړاندې کولو ته وده ورکولو او دې برخه کې د دوی د شته ستونزو په تړاو خبرې وکړې.

په دې ناسته کې لومړی، د بغلان، بدخشان، فاریاب، لغمان، کاپیسا او پکتیکا ولایتونو د عامې روغتیا رئیسانو په ولایتونو کې اړمنو ته د روغتیایي خدمتونو وړاندې کولو او کورونا ویروس پر وړاندې د مبارزې په پار د روغتیایي خدمتونو وړاندې کولو معین ته معلومات ورکړل او د عامې روغتیا وزارت له رهبرۍ څخه د دوی پر وړاندې د شته ستونزو د حل غوښتونکي شول.

د روغتیایي خدمتونو وړاندې کولو معین د عامې روغتیا رئیسانو د کاري راپورونو تر اورېدو وروسته مسؤلینو ته لارښوونه وکړه چې د دوی د ستونزو د حل په پار دې جدي اقدامات وکړي.

د دې ناستې په جریان کې، ډاکټر مجروح په مرکز او ولایتونو کې د روغتیایي مرکزونو جدي او دقیقې څارنې، د کورونا ویروس اخته د ناروغانو تعقیبي ټیمونو ارزونه، د روغتیایي کار کونکو د تشکیل بیا کتنه، د څارنې او ارزونې چک لیست بیاکتنه، د عامې روغتیا رئیسانو د رول په اړه ګډونوالو سره خبرې وکړې او د اړوندو مسؤلینو څخه په دې برخه کې د جدي اقداماتو غوښتونکی شو.

سربېره پردې، د روغتیایي خدمتونو وړاندې کولو معین په روغتونونو کې د اکسیجن پلانت نصبول، په ولایتونو کې د روغتیایي ستونزو څېړلو او لاسرسی، د ادارو ترمینځ پراخه همغږي او د آر آر ټي ګروپونو په اړه له ګډونوالو سره بحث وکړ او په دې برخه کې یې ټیمونو موظف کړل څو کوم اجراات چې په پام کې دي ترسره شي.

له بلې خوا، ګډونوالو د روغتیایي خدمتونو وړاندې کولو ته وده ورکولو او د کورونا ویروس پروړاندې مبارزه کې خپل نظریات او وړاندیزونه د روغتیایي خدمتونو وړاندې کولو معین سره شریک کړل او په دې برخه کې یې د لا زیاتو همکاریو ژمنه وکړه.

تازه خبرونه

شنبه ۱۳۹۹/۱۱/۴ - ۱۱:۲۱
Background image

د روغتیایي خدمتونو وړاندې کولو ته د وده ورکولو په برخه کې د هېواد د ولسمشر لیدلوری له روغتیایي مسؤلینو سره د یوې ناستې په ترڅ کې شریک شو

د عامې روغتیا وزارت د روغتیایي خدمتونو وړاندې کولو معین ډاکټر وحید مجروح؛ نن د مرکز، ولایتي عامې روغتیا رئیسانو، روغتیایي شریکانو، د روغتیایي خدمتونو پلي کونکو مؤسسو او خصوصي سکتور. . .

پنجشنبه ۱۳۹۹/۱۱/۲ - ۱۵:۳۷
Background image

د عامې روغتیا وزارت د پالیسۍ او پلان معین ډاکټر بشیر نورمل د زابل له والي سره وکتل

د عامې روغتیا وزارت د پالیسۍ او پلان جوړونې معین ډاکټر بشیر نورمل؛ نن د زابل ولایت له والي جنرال احمدګل رسولي، په پارلمان کې د دغه ولایت استازي او د ولایتي شورا رییس سره وکتل.

په دې. . .

پنجشنبه ۱۳۹۹/۱۱/۲ - ۱۳:۰
Background image

د کورونا ویروس پروړاندې مبارزه کې د ولایتي روغتیایي مسؤلینو د کړنو څرنګوالی وارزول شو

د عامې روغتیا وزارت د پالیسۍ او پلان جوړونې معین ډاکټر بشیر نورمل؛ د مالي او اداري معینیت سرپرست ډاکټر عبدالقدیر قدیر، نن له لیرې لارې د یوې ناستې په ترڅ کې د ولایتونو د عامې روغتیا. . .

BACK TO NEWS