د عامې روغتیا سرپرست د کندهار ولایت د کووېډ - ١٩ روغتون د روغتیايي خدمتونو د وړاندې کولو څرنګوالی وارزؤ
شنبه، چنګاښ ١٩ /١٤٠٠
د عامې روغتیا وزارت سرپرست، ډاکتر وحید مجروح، کندهار ولایت ته د خپل سفر پرمهال په دې ولایت کې د روغتیايي خدمتونو د وړاندې کولو څرنګوالی له نږدې وارزؤ.
د عامې روغتیا وزارت سرپرست، ددغه روغتونو د روغتیايي خدمتونو له وړاندې کولو څخه خوښي څرګنده کړه او د روغتیايي کارکوونکو هڅې یې وستایلې.
هغه همدارنګه، د روغتیایي خدمتونو وړاندې کولو پر ښه والي ټینګار وکړ او له روغتیایي کار کوونکو یې وغوښتل چې د کورونا ناروغانو ته د لاسرسي په پار هڅه وکړي.
په ورته وخت کې، ډاکترمجروح، د دغه روغتون له پایوازانو سره ولیدل او د دوی ننګونې او وړاندیزونه یې واورېدل.
د عامې روغتیا وزارت مشرتابه هوډ لري، چې په هېواد کې د روغتیايي خدمتونو وړاندې کول زیات کړي.
