داکتر کریم‌الله حلیمی رئیس نظارت وزارت صحت‌عامه، در جریان سفرش به ولایت نیمروز از پروژه‌های عمودی BPHS و EPHS و تعدادی از مراکز صحی سکتور خصوصی نظارت نمود
این نظارت که به هدف بهبود کیفیت خدمات صحی در شفاخانه های دولتی و خصوصی کشور، ارائه خدمات صحی معیاری به شهروندان و تأمین شفافیت در کارها صورت می‌گیرد، در آن داکتر کریم‌الله حلیمی و تیم تخنیکی شان از شفاخانه ولایتی و مراکز صحی دولتی و خصوصی ولایت نیمروز نظارت نمودند، مشکلات و کمبودها شناسایی شده و به خاطر حل آن، با مسوولان مربوطه شریک ساخته شد؛ تا خدمات با کیفیت و معیاری به شهروندان ارائه گردد.
همچنان رئیس نظارت وزارت صحت‌عامه، به کارمندان صحی هدایت داد که در بخش رسیده‌گی به مشکلات بیماران و عرضه خدمات صحی تلاش‌های بیشتری نمایند.
