داکتر کریم الله حلیمی، رئیس نظارت وزارت صحت‌عامه، همراه با تیم تخنیکی شان در سفری به ولایت فاریاب، از مراکز صحی دولتی و خصوصی این ولایت نظارت نمودند
این نظارت که به هدف بهبود کیفیت خدمات صحی در شفاخانه های دولتی و خصوصی کشور، ارائه خدمات صحی معیاری به شهروندان و تأمین شفافیت در کارها صورت می‌گیرد، در آن داکتر کریم‌الله حلیمی و تیم تخنیکی شان از مراکز صحی در ولسوالی‌‌های اندخوی، دولت‌آباد، پشتون‌کوت، بندر، لولاش، المار، قیصار، گرزیوان و بلچراغ ولایت فاریاب دیدار نموده، وضعیت بیماران را بررسی، مشکلات و کاستی‌ها را شناسایی و برای حل آنان را با مسوولان مربوطه شریک نمودند.
همچنان رییس نظارت هدایت داد، تا کارکنان صحی به مشکلات صحی بیماران رسیده گی نموده و در قسمت تداوی آنان تلاش های بیشتر و خستگی ناپذیری نمایند.
