محترم مولوی عبدالولی حقانی معین عرضه خدمات صحی وزارت صحت‌عامه و هیآت همراه اش در جریان سفر شان به ولایت نیمروز از شفاخانه ولایتی این ولایت دیدار نمودند
در این دیدار که معاون والی نیمروز نیز حضور داشت، محترم مولوی عبدالولی حقانی معین عرضه خدمات صحی، همراه با تیم تخنیکی، از بخش‌های مختلف شفاخانه ولایتی دیدار نمودند، مشکلات را شناسایی نموده و به خاطر حل آن، با مسوولان و کارمندان صحی شریک ساختند.
همچنان معین عرضه خدمات صحی، به خاطر ارائه خدمات صحی بهتر به کارمندان صحی هدایت داد.
از سوی دیگر، مسوولان و کارمندان صحی شفاخانه ولایتی نیمروز از سفر معین عرضه خدمات صحی و هیأت همراه که به هدف ارزیابی خدمات در این شفاخانه بود، ابراز سپاس گزاری نموده و همچنان یک تعداد پیشنهادات را در رابطه به بهبود بیشتر خدمات صحی نیز با ایشان شریک نمودند.
محترم معین عرضه خدمات صحی وعده داد که مطابق به امکانات، برای پیشنهادات شریک شده راه حل پیدا خواهد کرد.
