معین پالیسی وانکشاف صحت وزارت صحت‌عامه از عرضه خدمات صحی شفاخانه ولایتی بی بی فاطمه الزهرا از نزدیک دیدار نمود
محترم داکتر محمد حسن غیاثی معین پالیسی وانکشاف صحت وزارت صحت‌عامه، در جریان سفرش به ولایت ننگرهار از عرضه خدمات صحی شفاخانه ولایتی بی بی فاطمه الزهرا از نزدیک دیدار نمود.
در این دیدار محترم داکتر محمد حسن غیاثی معین پالیسی وانکشاف صحت وزارت صحت‌عامه و مولوی امین الله شریف رییس صحت‌عامه ولایت ننگرهار از بخش های مختلف شفاخانه ولایتی بی بی فاطمه الزهرا بازدید نموده و به کارمندان صحی این شفاخانه به خاطر ارایه خدمات صحی معیاری هدایت لازم داده شد.
همچنان معین پالیسی، به مشکلات مسوولان صحی این شفاخانه گوش نموده و به خاطر حل آن به آنان اطمینان داد.
