وزیر صحت‌عامه از مرکز صحی فرعی لجده دیدن نمود
محترم داکتر قلندرعباد وزیر صحت‌عامه امارت اسلامی افغانستان و هیآت همراه شان در ادامه سفرش به ولایت تخار از مرکز صحی فرعی لجده در این ولایت دیدن نمود.
در این دیدار محترم وزیر صحت‌عامه کشور، ضمن دیدار از ارایه خدمات صحی به نیاز مندان از کارکردهای کارمندان صحی ابراز تشکر نموده و از آنان خواست تا در قسمت رسیده گی به وضعیت صحی بیماران از هیچ نوع سعی وتلاش دریغ نورزند.
همچنان کارمندان صحی ریاست صحت‌عامه ولایت تخار، تشریف آوری هیآت رهبری وزارت صحت‌عامه را به این ولایت خیر مقدم گفته و وعده سپردند که در قسمت رسیده گی به وضعیت صحی بیماران در این ولایت از هیچ نوع همکاری دریغ نخواهند ورزید.
