کمپنی MCC کشور چین به خاطر رسیده‌گی به مشکلات هموطنان زلزله‌زده در زون شرق، مقدارى از ادویه ها و مواد ضروری را کمک کرد
این کمک در حضور سفارت چین در افغانستان و نماینده‌گان کمپنی MCC به محترم قاری عبدالولی صدیقی، معین مالی و اداری وزارت صحت‌عامه سپرده شد که شامل مواد خوراکی، ادویه، خیمه‌ها، کمپل‌ها و سایر مواد ضروری می‌باشد.
محترم قاری عبدالولی صدیقی معین مالی و اداری وزارت صحت‌عامه، از کشور چین به خاطر این کمک ابراز قدردانی نموده و این کمک را در تأمین نیازمندی‌های زلزله‌زده‌گان مؤثر دانست.
از سوی‌هم، نماینده‌گان سفارت چین با اشاره به کمک‌های دوامدار خویش، اطمینان دادند که به همکاری‌ها و کمک‌های بیشتر با آسیب‌دیده‌گان زلزله در شرق کشور ادامه خواهند داد.
