په هرات کې د رواني روغتیايي خدمتونو د وړاندې کولو په موخه له GSRO سره هوکړهلیک لاسلیک شو
د عامې روغتیا وزارت له لوري په هرات ولایت کې بېرته راستنېدونکو او زیانمونو شویو خلکو ته د رواني روغتیايي خدمتونو وړاندې کولو په موخه له Green Social Research Organization-GSRO مؤسسې سره د (۱۴۷۰۰) څوارلس زره او اووه سوه ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یوولس میاشتو لپاره لاسليک شو، چې له مخې به یې په ۱۱ مه او ۱۲ مه ناحیه کې د دوو روغتیايي مرکزونو لارې د یاد ولایت (۵۰۰) تنه اوسېدونکي له روغتیايي خدماتو برخمن او (۱۱) تنو ته به روغتیايي برخه کې د کار زمینه برابره شي.
بل لور، د GSRO مؤسسې استازو هم ډاډ څرګند کړ، چې ياده پروژه به د یوولس میاشتو په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
