بلخ ولایت کې له خصوصي روغتیايي سکټور څخه نظارت ترسره شو
د بلخ عامې روغتیا ریاست د څارنې او پلټنې مسؤلینو د دغه ولایت په بېلابېلو سیمو کې له ۲۰۷ خصوصي روغتیايي مرکزونو څخه نظارت ترسره کړ، چې په پایله کې یې له روغتیايي قوانینو او مقرراتو څخه د سرغړونې له امله ۱۵ درملتونونه، ۱۰ د درملو عمده پلورنځي، ۴ روغتونونه، ۴۳ روغتیایي کتنځي، ۱۲ لابراتوارونه، ۲ د ایکسرې مرکزونه، ۹ OPD کلینیکونه او ۶ د دودیز طبابت مرکزونه وتړل شول.
همدارنګه، د یاد نظارت په جریان کې ۱۵۹ قلمه له نېټې تېر او بېکیفیته درمل راټول او د له منځه وړلو په موخه ټاکل شوي ځای ته ولېږدول شول.
