ننګرهار، هرات، سرپل او پروان ولایتونو کې د خوراکي توکو پلورنځیو څخه نظارت ترسره شو
یاد نظارت د څارنې او پلټنې مسؤلینو له لوري ترسره شو، چې پایله کې یې د جلال اباد ښار اړوند لومړۍ ناحیه کې خوراکي توکو پلورنځیو څخه ۱۵۰ کېلو ګرامه، د هرات درېیمې ناحیې اړوند بکرآباد سیمه کې ۶ قلمه، د سرپل په مرکز کې ۷۸ قلمه او د پروان په مرکز چاریکار او جبل السراج ولسوالۍ کې ۱۹ قلمه له نېټې تېر او بې کیفیته خوراکي توکي راټول او د له منځه وړلو په موخه اړوند ځایونو ته ولېږدول شول.
د څارنې او پلټنې مسؤلینو دغه راز، پلورونکو ته لارښوونه وکړه چې د بې کیفیته، نېټې تېر او غیر مجاز خوراکي توکو له پلور څخه ډډه وکړي، چې د سرغړونې په صورت کې به ورسره قانوني چلند ترسره شي.
