ننګرهار او لوګر ولایتونو کې له یو شمېر خصوصي روغتیایي مرکزونو او درملتونونو څخه نظارت ترسره شو
یاد نظارت د څارنې او پلټنې آمریت تخنیکي ټیم له لوري د ننګرهار ولایت جلال باد ښار نهمه ناحیه کې له یو شمېر خصوصي روغتیایي مرکزونو او د لوګر ولایت د پل علم ښار له یو شمېر درملتونونو څخه تر سره شو، چې پایله کې یې ننګرهار ولایت کې دوه لابراتوارونه، یو روغتیایي کتنځی، یوه نرسنګ خونه، یو کلینیک او لوګر ولایت کې ۱۳ درملتونونه د قانوني جوازونو نه درلودلو، ناقانونه درملو پلور او د حفظالصحې اصولو نه مراعتولو له امله وتړل شول.
دغه راز، د یادو مرکزونو مسؤلینو ته لارښوونې وشوې، چې خپل فعالیتونه د عامې روغتیا وزارت له پالیسۍ سره سم ترسره کړي؛ تر څو خلکو ته معیاري او باکیفیته خدمات وړاندې شي.
