پکتيا ولایت کې د خصوصي سکټور اړوند ۹۲ روغتيایي مرکزونو څخه نظارت تر سره شو
د پکتیا ولایت د عامې روغتیا رياست د څارنې او پلټنې آمریت او روغتیایي قوانینو د تطبیق او بررسۍ عمومي مدیریت ګډ نظارتي تیم له لوري شهر نو بازار کې د خصوصي سکټور اړوند ۹۲ روغتيایي مرکزونو څخه نظارت سره شو، چې پایله کې یې ۱۰ روغتیایي کتنځايونه، ۸ لابراتوارونه، ۳ سراپا کلينيکونه او یو د غاښونو کلينيک له روغتیایي قوانینو څخه د سر غړونې او شفري نسخو ليکلو له امله وتړل شول.
په دغه نظارت کې اړوندو مسولينو ته لازمې سپارښتنې وشوې، چې د عامې روغتیا وزارت له اصولو او پالیسۍ سره سم خلکو ته خدمات وړاندې کړئ.
