د بامیان او جوزجان ولایتونو د څارنې او پلټنې ټیمونو له لوري په دغه ولایتونو کې له یو شمېر درملتونونو، روغتیایي کلینیکونو او کتنځایونو څخه نظارت تر سره شو
د بامیان د عامې روغتیا ریاست د څارنې او پلټڼې ټیم د د ورځنیو نظارتونو په لړ کې د یاد ولایت په مرکز کې له ۲۰ درملتونونو، ۲ سراپا کلینیکونو او ۳ د غاښونو کلینیکونو څخه نظارت تر سره کړ، چې پایله کې یې ۲ درملتونونه او ۳ کلینیکونه وتړل شول او اړوندو مسؤلینو ته سپارښتنې وشوې؛ تر څو د ناروغانو حقونو ته پاملرنه او د بیو له لوړوالي څخه په کلکه ډډه وکړي.
همداراز، د جوزجان د عامې روغتیا ریاست د روغتیایي قوانینو د تطبیق او څار ټیمونو د دې ولایت د مرکز شبرغان ښار اړوند بندر سرپل سیمه کې له یو سراپا کلینیک څخه نظارت تر سره کړ.
د دې نظارت په ترڅ کې د پورته ذکر شوي کلینیک بېلا بېلې برخې ولیدل شوې او ټولو روغتیایي کارکوونکو او د کلینیک مسؤلینو ته اړینې سپارښتنې وشوې؛ ترڅو ځانونه د عامې روغتیا وزارت د معیارونو سره سم برابر کړي او خلکو ته ښه او باکیفیته خدمات وړاندې کړي.
