تېره میاشت لغمان ولایت کې له ۳۳۱ روغتيايي او خوراکي تاسیساتو څخه نظارت ترسره شوی، چې پایله کې یې ۱۰ تاسیسات له روغتیایي قوانینو څخه د سرغړونې له امله تړل شوي دي

دغه نظارت د لغمان عامې روغتيا رياست د څارنې او پلټنې مسؤلینو له لوري ترسره شوی، چې پایله کې یې ۴ درملتونونه، ۲ لابراتوارونه، یو د غاښونو کتنځی، ۲ د درمل عمده پلورنځي او یو باب د درملو تولیدي شرکت څانګه له روغتیایي قوانینو څخه د سرغړونې له امله تړل شوي دي.

همدارنګه، د یاد نظارت په بهیر کې ۶۸ قلمه له نېټې تېر او بې‌ کیفیته درمل، خوراکي او سینګار توکي چې شاوخوا ۴۵۰ کیلو ګرامه کېږي، راټول او د له منځه وړلو په موخه مرکزي زیرمتون ته وليږدول شول.