خبرتیا!
د بغلان ولایت ټولو اوسېدونکو ته خبر ورکول کېږي، چې د عامې روغتیا وزارت د سترګو پاملرنې ګرځنده ټیم به د ړوندوالي کچې راکمولو په موخه د ۱۴۰۵/۴/۱۴ نېټې څخه تر ۱۴۰۵/۴/۲۵ پورې یاد ولایت ته سفر وکړي او اړمنو کسانو ته په لاندې برخو کې وړیا د سترګو روغتیایي خدمتونه وړاندې کړي:
د سترګو د پردې (کترکت) ۴۰۰ جراحي عملیات
د مطالعې لپاره د ۸۵۰ عدده د نږدې لید عینکو وېش.
د ۴۵۰۰ څخه تر ۵۵۰۰ تنو ناروغانو درملنه او ورته د لازمو درملو وېش.
له همدې امله، هغو هېوادوالو څخه چې په بغلان ولایت کې اوسېږي او د سترګو له ستونزو سره مخ دي، غوښتنه کېږي چې په ټاکل شوې موده کې د بغلان عامې روغتیا ریاست ته مراجعه وکړي او له دې وړیا روغتیایي خدمتونو څخه ګټه واخلي.
