ديدار سرپرست وزارت صحت عامه با والي ولایت تخار

‎داکتر وحید مجروح سرپرست وزارت صحت عامه، با مولوی عبدالله قرلق والی تخار و نماینده‌گان مردم در پارلمان ، در دفتر کارش دیدار نمود.

‎در این دیدار، والی ولایت تخار و نماینده‌گان این ولایت در پارلمان چالش‌ها و نیازمندی‌های این ولایت را در بخش صحت با رهبری وزارت صحت عامه شریک نموده و خواهان همکاری‌های بیشتر وزارت صحت عامه در این راستا شدند.

‎آنان هم‌چنان از کم کاری موسسه اهید که مسوولیت عرضه خدمات صحی را در این ولایت داشت شکایت کرده اشاره نمودند که این موسسه از چند ماه به این‌سو معاشات کارمندان صحی را پرداخت نکرده است.

‎سرپرست وزارت صحت عامه ضمن شنیدن چالش‌های آنان، برای رسیده‌گی به چالش‌های صحی این ولایت وعده همکاری داد.

‎داکتر مجروح هم‌چنان گفت که قرارداد موسسه اهید به دلیل کم کاری اش در این ولایت از اول ماه دلو سال روان فسخ گردیده و بجای آن با موسسه دیگری بنام بی دی ان قرار داد صورت گرفته است و قرار است فردا یک تیم تخنیکی از سوی وزارت صحت عامه برای تسریع روند عقد قرارداد با این موسسه و رفع چالش‌های موجود در این زمینه به اداره تدارکات ملی فرستاده شود

.