په بلخ ولایت کې د روغتیايي خدمتونو د وړاندې کولو په موخه له CARE مؤسسې سره د نږدې ۳۰۰ زره ډالرو په ارزښت هوکړهلیک لاسلیک شو
د عامې روغتیا وزارت له لوري په بلخ ولایت کې د روغتیايي خدمتونو وړاندې کولو په موخه له CARE مؤسسې سره د (۲۹۹۹۹۸) دوه سوه نهه نوي زره نهه سوه اته نوي ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یوولس میاشتو لپاره لاسليک شو، چې له مخې به یې د دوه روغتيايي مرکزونو له لارې د یاد ولایت (۱۶۸۷۵) تنه اوسېدونکي له روغتیايي خدماتو برخمن او (۳۸) تنو ته به روغتیايي برخه کې د کار زمینه برابره شي.
بل لور، د CARE مؤسسې استازو هم ډاډ څرګند کړ، چې ياده پروژه به د یوولس میاشتو په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
