د HIV او ساري ناروغیو پر وړاندې د مبارزې په موخه له HPRO مؤسسې سره هوکړه لیک لاسلیک شو
د عامې روغتیا وزارت له لوري په کابل ولایت کې د HIV وبا او ورسره هم مهاله د ساري ناروغیو پر وړاندې په زرقي توګه د نشه يي توکو کاروونکو لپاره د چټکې ارزونې او ځواب ورکوونې موخه له Health Protection and Research Organization-HPRO مؤسسې سره د (۶۹۵۹) شپږ زره نهه سوه نهه پنځوس ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د شپږو میاشتو لپاره لاسليک شو، چې له مخې به یې د ۲ روغتيايي مرکزونو له لارې د یاد ولایت (۶۰۰) تنه اوسېدونکي له روغتیايي خدماتو برخمن او (۲۳) تنو ته به روغتیايي برخه کې د کار زمینه برابره شي.
بل لور، د HPRO مؤسسې استازو هم ډاډ څرګند کړ، چې ياده پروژه به د شپږو میاشتو په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
