د سمنګان ولایت د دوو روغتونونو لپاره د لمریزې برېښنا پروژې ګټې اخیستنې ته وسپارل شوې
د سمنګان ولایت د دره صوف بالا او دره صوف پایین ولسوالیو روغتونونو لپاره د لمریزې برېښنا سیسټم دوه پروژې د (UNDP) په مالي ملاتړ سره د درې سوه زره (300,000) امریکایي ډالرو په لګښت ګټې اخیستنې ته وسپارل شوې
په دې پروژو کې د دره صوف پایین ولسوالۍ په شل بستریز روغتون او د دره صوف بالا ولسوالۍ ۳۰ بستریز روغتون کې د ۱۰۰ کیلو واټو په ظرفیت د لمریزې برېښنا سیسټم نصب شوی دی.
د لمریزې برېښنا په دې سیسټم کې په هر مرکز کې ۱۸۰ سولرې، د ۲۰ کیلو واټو په ظرفیت ۵ انورتر او د ۱۰ کیلو واټو په ظرفیت ۱۸ بیټرۍ شاملې دي، چې د سیمې له (۱۵۰,۰۰۰) څخه زیاتو اوسېدونکو ته د اړتیا وړ برېښنا برابروي.
په همدې موخه جوړو شویو مراسمو کې د UNDP او سیمه ییزو ادارو مسؤلینو او استازو هم د زیربنایي پروژو په اهمیت او د روغتیايي خدمتونو په ښه والي کې د هغې په ارزښت تینګار وکړ.
