دیدار سرپرست وزارت صحت عامه با والی ولايت لغمان

داکتر وحید مجروح، سرپرست وزارت صحت عامه کشور، امروز با آقای رحمت الله یارمل والی ولایت لغمان و آقای میر افغان صافی نماینده این ولایت در پارلمان در دفتر کارش دیدار و گفتگو نمود.

در این دیدار، والی لغمان چالش‌های صحی این ولایت را با رهبری وزارت صحت عامه شریک نموده و خواهان همکاری این وزارت برای رفع چالش‌های موجود در این ولایت گردید.

سرپرست وزارت صحت عامه، چالش‌های این ولایت را استماع نموده و برای رفع چالش‌های موجود در این ولایت وعده همکاری داد.

داکتر مجروح گفت كه با درنظر داشت هدایت مقام عالی ریاست جمهوری، ما روی یک طرح اصلاحات در ولایات کار می‌کنیم که با تطبیق آن یک تغییر مثبت در عرضه خدمات صحی در تمام ولایات به میان خواهد آمد.