قاری عبدالولی صدیقی در نخستین روز عید قربان از شفاخانه‌های کابل و بیماران بستری دیدار کرد

محترم قاری عبدالولی صدیقی معين مالی و اداری وزارت صحت عامه ا.ا. افغانستان، در نخستین روز عید قربان همراه با شماری از رئیسان مرکزی از شفاخانه‌های تخصصی و ثالثی تداوی سرطان، عاجل ابن‌سینا و تداوی اطفال در کابل دیدار کرد.

محترم معین مالی و اداری، ضمن دیدار با کارکنان صحی، از بیماران بستر در شفاخانه‌های یادشده نیز عیادت نموده و کمک مالی به آنان اهدا کرد.

محترم معین مالی و اداری، بخش‌های مختلف این شفاخانه‌ها را از نزدیک بررسی کرده، تلاش‌های کارکنان صحی را ستود و به آنان توصیه نمود تا در روزها و شب‌های عید، خدمات صحی بهتری به بیماران ارائه کنند.

قابل یادآوری است که به هدایت ویژه رهبری وزارت صحت عامه، به‌منظور جلوگیری از بروز مشکلات صحی برای شهروندان در روزهای عید، هدایت داده شده است تا تمام مراکز صحی در مرکز و ولایات کشور فعال نگه‌داشته شوند.